Hoi Zämä
Steuemi churtz vor
I heisse Hene
chume zmitz usem Ämmitau wos schöhni Höger u Kurve git
Ha jetz nach 18 Jahr Transalp, der ächti V2 kouft
natürlich ä Buell, genauer XB12XULYSSES.
Chare Morn der 1. Serwis la mach de geits de nächer richtig los. 
Tschau Hene,
de Tom L. chunnt ja au us em Ämmitau - chönd scho Töff fahre döte! 
Luag eifach mol bi ere Stammtisch vorbi - am Dunnschtig?
Sali henne, usem ämmitau...soso...;) de ghörsch ämu nid zu den flachlandfresser 
i würd sägä, bis hoffentlich gli mau ufem schalleberg....gseh hei mir üs ev. sogar scho...ämu hani scho dr eint oder anger lyssifahrer gseh ufem schalli...
Grunz
Hoi thomas u kueken
Cume sicher einisch bim stamm cho ineluege
wni de usefunge ha wo.
aber sicher em fritig bim gabuspitz
we e roti lyssi steit de bini nid wit 
Morn am Nomittag wär ig z'Bern - muess uf die Dütschi botschaft und bi dem Wetter gang i natürli mit em Töff - hättisch Ziit für e Rundi?
Tschou Hene
Wahrschinlech bisch am Zischtig um em Gurnigu gsi... ha dert ömu so ne orangi Lyssi gseh... de wird me sech ja öppe de scho mau übere Wäg fahre
gruess u immer aues guete
Tschou Hene
Wiukomme ir Buellfahrer-Gmeind! Es het ja langsam nume no Bärner hie...
Aues Guete und me gseht sech sicher mau am Schallebärg oder Gurnigu.
Gruess, Situ
Situ, s´hät au anderi! 
Klar, d'Oschblöckler... 
Und wenni em Fäbu siner Poschtings lise, glii eine weniger us em Houptkanton...
Gueti Fahrt!
Situ, ha am Tom gester dr belpberg und dr fuess vom gurnigel zeigt, sowie die schöni fahrt nach chersatzt...aber die längwiligi tour....ha ke zyt meh gha...leider
hallo hene
ben au us em ämmital gnauer gseit us affoltern i.e!
hoffe mer gseht sech scho bald e mol ufem schalebärg oder mer chönte jo au e mou en höck mache ergendwo omgäbig bärn!
gruss
tschou hene
fröit mi das mir eine meh si wo mache das de chüeh d'miuch im utter grinnt 
gruess
jürebärn
Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!
