z' Füür isch glich no cho...

    Han scho g' meint, z' Füür sig erlosche, mües wahrschindli de ganz Grümpel verchaufe, am Beschte grad glii...


    Guet: sechzgi worde, s' Wätter hät überhaupt nid passt und dänn no de Rugge, wo zwickt wie no nie.


    D' Kumpels hämd mi überschnurret: am Mittwuch seig s' Wätter endlich schön und warm, chum au mit!


    Am Mittwuch am zäni hämmer eus troffe: e bmw, zwee Lyssies und ich mit em S1, und mer sind mit vollem Tank z' Wülflinge lostonneret, Richtig Innerschwiiz, Suschtä, Brünig, oder so.


    Grad näbet use, s' Sunnebüehl uf. Herrlichs Alpäpanorama. Gäge Brütte hät mer scho ds Aarschi afa weh tue.
    Ha doch g' wüsst, das i über dä Winter no öppis ha welle machä. Genau, jetzt chunnt 's mer wider: Zum Sattler han i no welle. Dä S1 Sattel isch mer eifach viil z' weich. Das chnnt nid guet. Am liebschte würd i grad go annehocke, d' Berge g' nüüsse, und hocke bliibe bis am Abig...


    Hinne ume uf Rappi, über de Damm, dä Etzel uf, über dä Sattel, über d' Achsästrass um dä Urnersee, uf di alte Gotterdstrass, ufen uf Wasse, rechts in Suschtä g' stoche und wiene gsängti Sau d' Cheerene uf. Frischi Römer häts no öppe g' ha und mer händ fliisig Helmli g' sammlet. Z' Innertkirchä hets Benizin, es Wässerli und en Snickers gää. Nach em Brünig ischem Thomi, d' Batterie verreckt (ha si doch geschter äxtra no a' ghänkt...). Z' Stans han i em bim ene Kawaheini grad ä noi chönne chaufe. Zum Abschluss no de Ächerlipass, uf de Rieme und hei.


    Itzed grad surred 's Füdli no e chli, was e kei Problem setti si, aber i dä Arschbagge brännts liecht und es zieht mers wieder is Chnü abe. Für d' Bandschiibe isch es wahrschindli grad e chli gnueg g' sii. Hoffentli versurre's wider...


    Aber immerhin, z' Füür isch wieder da... :Hopps:

    B.x.
    Bliib x'sund.

    Einmal editiert, zuletzt von wyser ()

    Mir isches öppe ähnlech gange, emm fau.


    Mit dem Schiess Räge die ganz Zyt bini mir scho vorcho wiene Frosch, u mir hei de läng gschdudiert ob mer äch söttet ga oder ned.
    Eigentlich hätte mir ja durch ds' Dütschi weue (via Oberfranken bis ids Erzgebirge), aber da's dort no meh gschiffet het aus irgendwo angers heir mer üs churzfrischtig angers entschiede.
    Mir si när de glich uf de Töff u si de uf Frankriech.


    Zerscht vo Bärn uf'd Bahn bis "Schnäf" ("Genf" - es het eifach zfäscht grägnet für langsam weue z'fahre), churz vorher isches ufgange u usem Räge isches Tröpfle worde.
    Mir si dä bis Albertville gfahre, womer üs en Plattfus igfange hei, u mit der "Depannös" simer bis uf Chambéry gfahre worde. Am nächschte Morge hei sie mir dört ir Markengarage en neue Pneu ufzoge, u am Zehni simer scho wieder mobil gsi.
    Übrigens: In Frankriech zaut me wäniger bir Markegarage für d's Pneu wächsle aus ir Schwiz bimene freie... Schono spezieu, gäu?


    Item:
    Witergfahre, vor Sisteron hets ner nomau gschiffet, aber ds Hotel isch nöch gsi.


    Am nächschte Morge (Sunntig) simer die "Route du Temps" gfahre, wo schiens i'd Gägerichtig e beliebte Sträcki isch - hunderte Töffahrer entgägecho, aber d'Strass isch Wäutchlass gsi. Hani no ned kennt, sött mer ubedingt aluege wemer scho dört isch. Süsch chönnt mer meine das zwüsche Gap u Digne Les Bains nüt spezieus wär... Z'Mittag waremer z'Castellane bi der Gorge Du Verdon, u si när dört direkt uf'd "Route des Crêtes".
    Hammer.
    U grad de Töff tanket u ir Garage vom Hotel verstouet u scho hätts es Jensits-Gwitter gä. Aber äbe - mir si troche gsi.


    Am nächschte Tag simer witer via Grasse, Fréjus, Cannes bis uf Antibes, womer en Töfffreie Tag igleit hei.


    Heizues simer när via Nizza, Eze, Monte Carlo (ha nume dr Länderpunkt brucht für'd Sammlig - siehe been-App) u via Col de la Bonette (wo öppe der höchscht oder zwöithochscht Pass i Europa isch) bis uf Barcelonette.


    Am vorlätschte Tag no via Col de La Madeleine bis uf Albertville (das mau ohni Plattfuess) u när via Pas de Morgins hei. Eigentlech hette mir no wäue der Col des Mosses mache, aber dört hei sie vor Schnee (!) gwarnt, u so heimer das la si.


    S'isch e cooli Tour gsi - u d's Füür für Töffreise hani emm fau de o wieder übercho...


    Werni: merci für die Eidgenössische Inspiration

    Carving macht vor allem im Sommer Spass.
    #whereibuymystuff

    Einmal editiert, zuletzt von SuperTTimmi ()

    En Lyssiekolleg isch mit enere Bandi im Vollschiff bis ufz "sür le Pong d' Aviniong", dänn bi Bewölkig husch uf Carcassong, dänn ab dete im Sunneschii zwei Wuche hin und her über d' Pyrenäepäss bis an Atlantik, und wieder her und hin über di andere Pyrenäepäss zrugg as Mittelmeer und ufen uf Schnäf, alles im Sunneschii. Ab Schnäf dänn wieder im Vollschiff zurugg und Winti.
    Geil segis g' sii.
    Ja, jaaaa, und bi eus häts immer gschiffet...

    B.x.
    Bliib x'sund.

    Einmal editiert, zuletzt von wyser ()

    Sorry für mein Hochdeutsch. 690 km von San Remo nach Bern, minus 100 Arschlochkilometer der Poebene => grins

    Bärner Hoble Racing Member ohne Logo, Banner oder was auch immer für eine Flagge.
    Thank you, for not being an idiot.

    Ich chas chum Läse Werni, aber ich gseh scho es hät der wider gfalle.
    Heiko du häsch eifach zviel Ziet.
    Zum Glück hät mir de Mario e Honda zum gondle zue ghebet, han wenigstens uf em Wäg zur Arbet e chli Fun. Das übrigens au bim gröschte Schiff Wäter.

    Zitat von Zweinullzwei

    Ich chas chum Läse Werni, aber ich gseh scho es hät der wider gfalle.
    Heiko du häsch eifach zviel Ziet.
    Zum Glück hät mir de Mario e Honda zum gondle zue ghebet, han wenigstens uf em Wäg zur Arbet e chli Fun. Das übrigens au bim gröschte Schiff Wäter.


    ...zu viel Zeit wofür?
    Satzzeichen?
    Oder Töfftouren machen?

    Carving macht vor allem im Sommer Spass.
    #whereibuymystuff

Jetzt mitmachen!

Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!

Benutzerkonto erstellen Anmelden